അഗ്നികുണ്ഡത്തിന്‍റെ മഹാ
മാന്ത്രികതയിലേക്ക് മായുന്ന
മാലിന്യമായ് ദേഹം.
നീര്‍ക്കുടം പൊട്ടിച്ചെറിഞ്ഞ്,
ഭിക്ഷാടനത്തിനായ് ആഴിയുടെ
അനന്തനീലിമയിലേക്ക്‌
ആരോടും മിണ്ടാതെ
ആത്മാവ് പോകുന്നു.
ദേഹിയെ പ്രണയിച്ച,
അനാഥനെന്നറിയാത്ത
മാംസപിണ്‍ഡംപോലെ,
കാണുന്നതൊക്കെയും,
കേള്‍ക്കുന്നതൊക്കെയും, സ്നേഹമെന്ന്
നിനയ്ക്കുന്ന നിനക്കിനി എത്രനാള്‍ ?
എത്രനാള്‍ ആളിക്കത്തിയിട്ടും
ഒരുനിമിഷം തളര്‍ന്നപ്പോള്‍
പാഞ്ഞടുക്കുന്ന അന്ധകാരം കണ്ട്‌
ഒരുനാള്‍ ദീപം ആത്മാഹൂതി
ചെയ്യുമ്പോള്‍ ...
കാണുന്നതൊക്കെയും, കേള്‍ക്കുന്നതൊക്കെയും
സ്നേഹമെന്ന് നിനയ്ക്കുന്ന നിനക്കിനി എത്രനാള്‍ ..?
No comments:
Post a Comment